ஸ்ரீஞானஸ்கந்தர் ஜீவ நாடி மூலம் தங்கள் குடும்ப தெய்வம் சில ஆண்டுகளாகப் பூஜை செய்யப்படாமல் இருந்ததைக் கண்டு முருகப்பெருமான் ஜீவ நாடியில் உரைத்தபடியே பெருமாளுக்குப் பூஜை செய்து மெய் சிலிர்க்கும் அனுபவம் பெற்ற ஒரு வாசகியின் அனுபவத்தைப் பார்ப்போம்.
முருகப் பெருமான் ஜீவநாடி மூலம் நடத்திய அதிசயங்கள் ஏராளம். சுவாமிகள் நாடி படிக்கத் தொடங்கியவுடன் பூர்வீகத்தில் தெய்வம் உள்ளதாகவும், அதற்குப் பூஜை முறை மாற்றங்கள் வேண்டும் என்றும் நாடியில் உரைக்கப்பட்டது. எங்கள் முன்னோர்கள் பேழையில் (முத்திரைப் பெட்டி) பெருமாளை வைத்து வழிபாடு செய்து கொண்டிருந்தார்கள். அதற்கு இரண்டு தலைமுறையாக பூஜை முறைகள் சரியாக செய்யப்படவில்லை. அதைப் பற்றி ஜீவநாடியில் எங்களுக்கு பின்வருமாறு உரைத்தது மிகவும் அதிசயமாக இருந்தது. அதற்கு சுதர்ஸன ஹோமம் செய்து அத்தெய்வ குற்றத்தை நீக்குமாறும் ஜீவநாடியில் உரைக்கப்பட்டது. பின் பெருமாள் அஷ்டோத்ரம், விஷ்ணு சகஸ்கரநாமம் பாராயணம் செய்யவும், ஹரே ராமா ஹரே கிருஷ்ணா பஜன், பகவானுடைய பக்தி கதைகள் சொல்லியும், கோ பூஜை, சுதர்ஸன ஹோமம் ஆயிரத்தெட்டு ஆவர்த்தி, திருத்துளாய் அர்ச்சனை செய்யுமாறும் நாடியில் உரைக்கப்பட்டது. பின் காரமடை ரங்கநாதர் கோவிலில் உள்ள இருபத்தியேழு விஷ்ணு தாசர்களைக் கொண்டு சங்கு சேவண்டி முழங்க பூஜை செய்து, அவர்களுக்கு வஸ்த்திரம் கொடுத்து அன்னதானம் செய்து அவர்களிடத்தில் துளசியும், அட்சதையும் கொடுத்து குடும்ப உறுப்பினர்கள் அனைவரையும் ஆசி வாங்குமாறும் நாடியில் உரைக்கப்பட்டது. பின் வைணவ ஆச்சார்யர்களைக் கொண்டு எங்கள் தோட்டத்தில் முத்திரைப் பெட்டியில் இருக்கும் பெருமாளுக்கு அனைத்து வாரிசுகளும் சேர்ந்து ஜீவநாடியில் உரைத்தது போல பெருமாள் அஷ்டோத்ரம், விஷ்ணு சகஸ்கரநாமம் பாராயணம் செய்து, திண்டுக்கல் ஹரே ராமா ஹரே கிருஷ்ணா பஜன் குழுவினரைக் கொண்டு பஜன், மற்றும் பகவத் கீதை உபதேசம் சொல்லியும், கோ பூஜை மற்றும் சுதர்சன ஹோமம் மிகவும் சிறப்பாக நடத்தப்பட்டது. எங்கள் குலதெய்வத்தின் அருளாலும், எங்கள் குடும்ப தெய்வம் பெருமாளின் அருளாலும், எங்கள் குரு ஸ்கந்த உபாசகரின் ஆசியாலும் பூஜையை மிகவும் சிறப்பாக செய்தோம். எங்கள் குரு ஸ்கந்த உபாசகர் ஜீவநாடியில் உரைத்ததால் தான் நாங்கள் அனைவரும் ஒன்று சேர்ந்து இந்த பூஜை செய்யும் பாக்யம் கிடைத்தது. இந்த பூஜை முடிந்தவுடன் அனைவருக்கும் ஜீவநாடி கேட்குமாறு உரைக்கப்பட்டது. இனி அடுத்து ஜீவநாடியில் முருகப் பெருமான் என்ன உரைப்பார் என்பதை கேட்க ஆவலாக உள்ளோம்.
ஓம் ஸ்ரீ ஞானஸ்கந்த மூர்த்தி புகழ் ஓங்கட்டும்!
கருத்துகள் இல்லை:
கருத்துரையிடுக