சிரவையாதீனத்தின் சீர்த்திகள் சேவைகள் சிறப்புகள்
நூறுஆண்டு கண்டது கௌமார மடாலயம்
பேறு பெற்று சிறக்கும் சிரவையாதீனம்
கூறு கூறாய்க் கூறுவேன் குருவின்
அருளினாலே
வீறுகொண்டு எழும் கௌமாரமே
காப்பு!
ஆயிரம் கிருத்திகை பூசை செய்து
ஆயிரம் வேலை அளித்து மகிழ்ந்து
ஆயிரம் வீட்டில் வேலின் பூசைக்கு
ஆயிரத்தில் ஒருவராய் அடித்தளமிட்ட
ஆயிரம் குருவில் எம்குரு
உயர்குரு என
பாயிரம் பாடி மகிழ்வேன்!
ஆடிக்கிருத்திகை தேடி வரவே
கூடி நின்று குமரனை வணங்க
தேடி மக்கள் வருகின்ற நாளில்
கூடிவந்தது நாற்பத்தொன்பதாம் அகவை
தேடி வரும் பக்தர் கூட்டம்
குமரனை வணங்கி
நாடி வந்து குமர குருபர சுவாமிகளையும்
வணங்கி
ஓடி வந்து குருவருள் திருவருள்
பெறும் நாள்
கூடிவந்த நாண்மங்கள விழா
நாள்!
இலட்சியம் முருகபக்தி முழுதுலகும்
வளர
துலங்க அனைத்துலக முருக பக்தி
மாநாடு
இலங்கை நாட்டில் எங்கள் சுவாமி
சலங்கைக் குரலில் மிளிர்ந்தார்!
நல்லோர் போற்றும் நல்லையாதீனம் சந்திப்பு
வல்லோராக்கும் கீரிமலையாதீனம்
சந்திப்பு
எல்லோரும் போற்றும் ஆன்மீக
தலபயணம்
சொல்ல வார்த்தைகள் இல்லையம்மா!
பத்துநாட்கள் ஐரோப்பா ஆன்மீக
பயணம்
முத்தாக முருகன் புகழ் எங்கும்
பரப்பவே
சித்தராகவே வலம் வந்தவர்
எம் சுவாமிகள்
பத்தனாக பணிந்தேன் பாதம்!
தமிழ்வின் வலைதள தரமான செய்தி
தமிழின் பெருமைகள் பரப்ப
புகழ
தமிழ்ச் சைவஆதீனங்கள் ஐரோப்பா
யாத்திரை
தமிழ் மண்ணிற்கு சிறப்பு!
அன்பு நெறியை அகிலம் அறிய
அன்பாய் அவணி இருக்க கூடும்
ஐக்கிய நாடுகள் சபைதனைக்
கண்டு
ஆனந்தம் அடைந்தவர் எம்குருநாதர்
சுவிட்சர்லாந்து சூரிஸ்நகரம்
மாரியம்மன் கோவில்
ஊர் போற்றும் எம் குருநாதர்
திருக்கரத்தால்
தேர்த்திருவிழா கொடியேற்றி
வைத்தார்
பார் போற்றும் பாங்கே!
சுவாமி கதிர்வேலாயுதர் கோவில்
வளாகம்
சுவாமி சிரவையாதீனம் சிறப்பு
செய்தார்
சுவாமிகள் அருளும் வெண்ணீறு
போலேவே
சுவாமி மயிலும் கண்டார்!
இருமனம் இணையும் திருமண நிகழ்வை
குருவாய் நின்று வாழ்த்தியது
கோடி
திருவாய் உற்சவர் ஊர்வலம்போலே
குருவாய் பிரான்ஸ் நாடும்
சென்றார்!
பத்தொன்பதாமாண்டு திருப்புகழ்
இசைவிழா
சித்தத்தில் நிற்கும் சீரான
திருவிழா
பத்தர்கள் கூடி திருப்புகழ்
பாடி ஆங்கே
நித்தமும் பேசி மகிழ்ந்தனர்!
குரு நெறியே கௌமார நெறியாம்
குருவின் சேவையோடு குருபூசை
குருவாம் சுந்தரர் நினைவைப்
போற்றும்
இருபத்திநான்காமாண்டு குருபூசை
செய்தார்
சுந்தரர் தொண்டர் எம்குரு
நாதர்
சுந்தரமான தோற்றம் சொல்லாற்றல்-
நடமாடும்
சுந்தரசுவாமியின் மறுஉரு
இவரே
சுந்தரர் தோரண வாயில் கண்டார்
இராசகோபுரத் திருப்பணி லட்சியம்
இராசர்கள் போற்றும் தம் குரு
சுந்தரர்
இராசகோபுரம் சுந்தரர் திருப்பெயர்
இராசகோபுரம் சுந்தரர் தோரணவாயில்!
முருகபக்தர்கட்கு இருக்கும்
திருமடம்
முருகனே குருவாய் வந்த அருணகிரி
அம்சம்
முருகதாசசுவாமிகள் என்னும்
வண்ணச்சரபர்
குருவம்சமாய் தொடரும் கௌமார
சமயம்
குருவிற்கு பூசை நூற்றி இருபதாம்
ஆண்டு
குருபூசை செய்து மகிழ்ந்தார்
சுவாமிகள்!
உலகம் போற்றும் கௌமார சமயம்
உலகமே போற்றும் எம் குருநாதர்
உலக முருக இலக்கிய மாநாடு
உலகம் போற்ற கண்டார்!
சமயப்பணியோடு கல்விப்பணியும்
சமரசமாக இலக்கியப் பணியும்
சரியாக சுற்றுசூழல் தினத்தில்
சமுதாயத்திற்காய் செடிகள்
நட்டார்
பழனியில் அருளாட்சி ஏற்றவர்
சுவாமிகள்
பழனி பட்டணம்சுவாமி மடத்தின்
தலைவர்
பழனி பாதயாத்திரை செல்வோர்
நலம்பெற
பழனியாத்திரை தனிப்பாதை கோரினார்
பழனிமுருகனின் ஆணையோ என எண்ணி
பழனிச்சாமி தனிப்பாதை கொடுப்பார்
பழனி முருகனே எம் குரு நாதர்!
முகநூல்பக்கத்தில் முருகன்
செய்தி
அகமெல்லாம் மகிழ காணவைத்தார்
இணையதளத்தில் இன்னும் சேவைகள்
பணையம் வைத்தேன் மனது!
முருகபக்தர்களை ஒன்றாய்க்
கூட்டி
முருகபக்தர்கள் பேரவை கண்டு
முருகபக்தர்கள் மாநில மாநாட்டை
முருகன் அருளால் நான்காமாண்டு
முருகனெறியை முழுதுலகும்
பரப்ப
முருகதாசர் பிறந்த ஊரில்
முருகன் அருளால் நடத்த உள்ளார்
எத்தனை பிறவி எத்தனை ஜென்மம்
எத்தனை தாயோ எத்தனை தந்தையோ
அத்தனை பிறவிதனிலும் குருமட்டும்
நீவிர்-இந்த
பித்தனை பேயனை பெரும்பிழையானை
பத்தனாய் இருத்தி முருக உபதேசம்
செய்த
சித்தரே சித்தம் நிறைந்தவரே
இன்னும் பல்லாண்டு
சத்திய வாக்காய் சந்நிதானமாய்
இருந்து
பத்தி நெறியை பரப்ப இறைஞ்சும்
பித்தன்
சிரவையாதீனச்சீடன் முருக
செகதீசுவரன்
வாழ்த்த வயதில்லை! திருவடி
பணிகின்றேன்!
குருவே சரணம்! குருவே சரணம்!
குருவே சரணம்!
கவிதையாக்கம்:
சிரவையாதீனச்சீடர் முருக செகதீசுவரன்,
ஸ்ரீஞானஸ்கந்தர் பீடம்.
அந்தியூர்.
