இது முற்றிலும் மாறுபட்ட ஆன்மீக பயணம்

திங்கள், 9 அக்டோபர், 2017

கௌமார மடாலய 59ம் ஆண்டு கந்த சஷ்டித் திருவிழா அழைப்பிதழ்

அழைப்பிதழ்

குருபாதமே கதி!
சிரவையாதீன சீர்த்தி சிறக்கட்டும்!!

வியாழன், 5 அக்டோபர், 2017

பழனி பட்டணம் சுவாமிகள் ஆலய குடமுழுக்கு&குருபூஜை விழா அழைப்பிதழ்

பழனி பட்டணம் சுவாமிகள் ஆலய குடமுழுக்கு&குருபூஜை விழா அழைப்பிதழ்
நாள்: 14.10.2017 சனிக்கிழமை (புரட்டாசி ஆயில்யம்)

குருபாதமே கதி!

சிரவையாதீன சீர்த்தி சிறக்கட்டும்!!

செவ்வாய், 3 அக்டோபர், 2017

பழி அனைத்தும் ஸ்ரீ நாராயணரைச் சேரட்டும்!

ஒரு முறை கேரளாவில் வண்ணச்சரபம் தண்டபாணி சுவாமிகளுக்கு இரவு உணவு இல்லை. ஆனால் அன்று எனப்பார்த்து அளவிலாப் பசி எடுக்க என்ன செய்வது என்று எண்ணி “யான் இவ்வாறு வருந்துவதாலுண்டாகும் பழி எல்லா உயிர்களுக்கும் படியளந்து காக்கின்ற ஸ்ரீ நாராயணரைச் சேரட்டும்” எனக்கூறி படுத்துக் கொண்டார். இப்படி ஒரு பக்தர் பசியில் வாடுவதைக் கண்டும் தனக்கே பழி அனைத்தும் என்று உரைத்தது கண்டும் ஸ்ரீ நாராயணப் பெருமாள் ஒரு அதிசயம் நடத்தினார். ஸ்ரீ நாராயணர் ஒரு வைணவ அந்தணராக வந்து இங்கு பசியால் பட்டிணியாகப் படுத்திருக்கும் பக்தன் யார் என்று பலமுறை உரக்கக் கூற சுவாமிகள் வெளியே வந்து அடியேன் தான் என்றார்கள். அவர் அன்னமளிக்க சுவாமிகள் அதை உண்டு பசி தீர்த்தார்கள். தன்னுடன் இருந்த ஒருவருக்கும் உணவு கொடுத்தார்கள். பசி ஆறிய பின் ஆமாம் உங்கள் பெயர் என்ன என்று உணவு கொடுத்த அந்தணரைக் கேட்க எமது பெயர் சீனிவாசன் என்று பதில் உரைத்தார். நீ சொன்ன ஒரு வார்த்தை எனது மனதை உறுத்தியதால் இந்த உணவு கொண்டு வந்தேன். சரி வருகின்றேன் என்று சொல்லி மறைந்தார். வந்தது அந்த ஸ்ரீஹரி நாராயணே என்று உணர்ந்த சுவாமிகள் ஒரு வெண்பா எழுதினார்கள்.

”குருவனப்புக் கண்டறியார் கொச்சிவள நாட்டின்

பெருவனத்தி லென்னை யன்பிற்பேணி – யருமையுட

நன்னங் கொடுக்கவந்த வந்தணனே யந்தவண்ணஞ்

சொன்னங் கொடுக்க வொண்ணா தோ”

பக்தர்களுக்கு சோதனை வரும் போது இறைவன் உடனே ஓடோடி வந்து காப்பான் எனும் வாக்கு இதன் மூலம் மெய்யாகின்றது. நாராயணா சோறு கொடு என்று சுவாமிகள் கேட்கவில்லை. இப்படி ஒரு உயிர் பட்டிணியால் வாடினால் அதைக் காக்கும் பொறுப்பு ஸ்ரீஹரி நாராயணனுடையதாகும். படைத்தல் காத்தல் அழித்தலில் விஷ்னுவுக்கு காக்கும் தொழில். ஒரு உயிர் நடுக்காட்டில் உணவில்லாமல் தவிக்கும் போது அந்த உயிரைக் காக்கும் கடமை ஸ்ரீஹரியையே சார்வதால் நம் சுவாமிகள் நீ காக்காமல் விட்டாய் எனும் பழி உனக்குதான் சேரும் என்று கூற பெருமாள் உடனே வந்து உணவிட்டார். அந்த அளவு சுவாமிகளின் பக்திக்கும் வைராக்கியத்திற்கும் வலிமை உண்டு. இல்லாத பாவங்களைச் செய்துவிட்டு ஒரு ரூபாய்க்கு கற்பூரம் வாங்கி கொழுத்தி கடவுளே என்னைக் காப்பது உன் கடமை உடனே வா என்றால் கடவுள் வருவாரா? எனவே குரு நாதர்களின் வழியில் சென்று நாமும் உண்மை பக்தியில் இருந்தால் நாம் ஒரு அடி எடுத்து வைக்க கடவுள் நம்மை நோக்கி நூறு அடி எடுத்து வைப்பார். நன்றி!

கட்டுரையாக்கம்: ஸ்ரீஸ்கந்த உபாசகர் ஜெகதீஸ்வரன் அவர்கள், ஸ்ரீஞானஸ்கந்தர் பீடம், அந்தியூர்.

நன்றி: சிரவையாதீனம் தவத்திரு குமர குருபர சுவாமிகள் அவர்கள்

படம்: கௌமார மடாலயத்தில் ஆயுத பூஜை

சிரவையாதீன சீர்த்தி சிறக்கட்டும்!!!

திங்கள், 2 அக்டோபர், 2017

TRA மேல்நிலைப் பள்ளியின் 60ஆம் ஆண்டு வைர விழா

கோவை கௌமார மடாலயம் தவத்திரு இராமானந்த அடிகளார் மேல்நிலைப் பள்ளியின் 60ஆம் ஆண்டு வைர விழாவில் முன்னாள் மாணவர் திரு குமாரசாமி மேனாள் கல்லூரி கல்வி இயக்குநர் அவர்கள் கொடியேற்றினார்காள். உடன் முன்னாள் மாணவர்கள் மற்றும் பள்ளிச் செயலர் தவத்திரு குமரகுருபர சுவாமிகள், முன்னாள் மாணவர்களின் ஆசிரியப் பெருமக்கள் ஆகியோர் கலந்து கொண்டு சிறப்பு செய்தார்கள்.

சிரவையாதீன சீர்த்தி சிறக்கட்டும்!!!

தவத்திரு இராமனந்த சுவாமிகளின் 150-ஆம் ஆண்டு அவதார விழா

24. 09. 2017 அன்று கோவை கெளமார மடாலயத்தின் நிறுவனர் குரு முதல்வர் திருப்பெருந்திரு தவத்திரு இராமனந்த சுவாமிகளின் 150-ஆம் ஆண்டு அவதார விழா இனிதே நடைபெற்றது.விழாவில் ஆதீனத் தலைவர் Dr. தவத்திரு குமரகுருபர சுவாமிகள், மற்றும் பேரூராதீனம் தவத்திரு மருதாசல அடிகள் சுவாமிகளும் குரு பூஜை செய்தார்கள். அதன் சில படங்கள்.

சிரவையாதீன சீர்த்தி சிறக்கட்டும்!!!

வெள்ளி, 22 செப்டம்பர், 2017

காகபுசுண்டர் நாடியில் தண்டபாணி சுவாமிகளின் பூர்வ அவதாரம்

காகபுசுண்டர் நாடியில் வண்ணச்சரபம் தண்டபாணி சுவாமிகளின் பூர்வ அவதாரம் எழுதப்பட்டுள்ளது. இந்த விவரம் சிரவையாதீனம் இரண்டாம் குரு மகா சந்நிதானம் தவத்திரு கந்தசாமி சுவாமிகள் அவர்களால் இயற்றப்பட்டுள்ள வண்ணக்கவி எனும் நூலில் ஸ்ரீதண்டபாணி சுவாமிகளது பூர்வ அவதார சரித்திரச் சுருக்கம் எனும் பகுதியில் இடம் பெற்றுள்ளது. தவத்திரு கந்தசாமி சுவாமிகள் அவர்கள் கவி பாடுவதில் வல்லவராகி கொங்கு நாட்டு கச்சியப்பர் என அனைவரும் மெச்சும்படி வாழ்ந்தவர். வைணவ அடியார்களின் பெருமைகளை விளக்கும் பக்த மான்மியம் எனும் நூல் சுவாமிகள் எழுதிய பாடல்களில் மணிமகுடம். சுவாமிகள் பாடிய இன்னுமொரு நூலான மருதமலை அலங்காரம் முருகனது அடியார்கள் அனைவரும் ஓத வேண்டிய பதிகமாகும். இப்படி 15000க்கும் அதிகமான பாடல்களைப் பாடி உள்ளார்கள். தவத்திரு கந்தசாமி சுவாமிகள் அவர்களின் பாடல்களையெல்லாம் ஆய்வு செய்து சிரவை நான்காம் சந்நிதானம் எமது ஞானதேசிகர் தவத்திரு குமரகுருபர சுவாமிகள் அவர்கள் முனைவர் பட்டம் பெற்று பெருமை சேர்த்துள்ளது இப்போது நினைத்து போற்றப்பட வேண்டிய ஒன்றாம். இவ்வளவு பெருமை மிக்க தவத்திரு கந்தசாமி சுவாமிகள் அவர்கள் தமது பரம குருவாகிய தாத்தா சுவாமிகள் என்று நமது சுவாமிகளால் அழைக்கப்படும் வண்ணச்சரபம் தண்டபாணி சுவாமிகளின் பூர்வ அவதாரத்தை காகபுசுண்டர் நாடி மூலம் ஆதாரம் எடுத்து கூறி உள்ளது நமக்கெல்லாம் கிடைத்த பொக்கிஷமாகும். இதில் இருந்து உண்மையான நாடிகள் சித்தர்கள் மூலம் கிடைத்து அதன் மூலம் பல ரகசியங்கள் வெளிவந்துள்ளது நிரூபணமாகின்றது. இப்போது வண்ணச்சரபம் தண்டபாணி சுவாமிகளின் பூர்வ அவதாரம் எழுதப்பட்டுள்ள புசுண்டர் நாடிக்கவியைப் பார்ப்போம்.

புசுண்டர் நாடிக்கவி

இவனுடைய பெருமைசொல்லற் கெளிதோவில்லை

என்னிலிருந் திவன்முதலா மவதாரந்தான்

உவகைநர னாகியிலக் குவனாகிப்பின்

உலவும்பற் குனனாகித் திண்ணனாகித்

தவஞ்செறிகீ ரன்மெய்சொல் புலவனாகித்

தானருனை யாய்க்கிளியாய்ச் சார்ந்துவந்த

இவனாகும் சங்கரலிங் கப்பேராதி

யிலங்கியபின் னேமுருக தாசனாகி

பொருள்:

காகபுசுண்டரின் முதலவதாரமாக நரன், பின்பு இலக்குவன், பின்பு பற்குணன் எனும் அருச்சுணன், அடுத்து திண்ணனாகிய கண்ணப்ப நாயனார், பின்பு நக்கீரன், அடுத்து மெய்சொல் புலவனாகிய பொய்யா மொழிப்புலவர், அருணையில் அவதரித்த அருணகிரிநாதராய் பின்பு கிளியாய் அவதரித்து வந்த இவனாகும் சங்கரலிங்கம் எனும் பெயர் முதலில் பெற்று பின் முருகதாசன் எனும் பெயர் பெற்றார்.

விளக்கம்:

வண்ணாச்சரபம் தண்டபாணி சுவாமிகளின் பூர்வ அவதாரம்:

காக புசுண்டர் முதல் அவதாரமாக நர நாரயணர் அவதரித்தபோது நரனாக அவதரித்தார்.
பின் ராம லட்சுமண அவதாரத்தில் லட்சுமணனாக அவதரித்தார்.
பின் கிருஷ்ண அவதாரத்தில் அர்ச்சுணனாக விளங்கினார்.
பின் கண்ணப்ப நாயனாராக அவதரித்தார்.
பின் நக்கீரராக அவதரித்தார்
பின் பொய்யாமொழிப் புலவராக வந்தார்.
பின் அருணகிரிநாதராக அவதரித்தார். கிளியாக வந்தார்.
பின் சங்கரலிங்கம் எனும் பெயருடன் விளங்கி அதன் பின் முருகதாசனாகி விளங்கினார். (நாளடைவில் சுவாமிகள் பாடும் கவிகளைப் பார்த்தும் சுவாமிகள் முருகனைப் போல் எப்போதும் தண்டம் ஏந்தி இருந்ததைப் பார்த்தும் வண்ணச்சரபம் தண்டபாணி சுவாமிகள் என அனைவராலும் அன்புடன் அழைத்து புகழ் விளங்கப்பெற்றார்.)

பூர்வ ஜென்மத்தில் அருணகிரி நாதராக இருந்ததன் சான்றாக சுவாமிகள் பாடிய சந்தக்கவிகளைக் கூறலாம். தமிழ்ப்புலமையின் அதீதமாக சுவாமிகள் அறுவகை இலக்கணம் எனும் புதிய தமிழ் இலக்கண நூலை இயற்றி தமிழ்க்கடவுள் முருகனது வம்சம் என நிரூபணம் செய்துள்ளார்கள்.

நன்றி: சிரவையாதீனம் இரண்டாம் சந்நிதானம் தவத்திரு. கந்தசாமி சுவாமிகள் அவர்கள்

நன்றி: சிரவையாதீனம் தவத்திரு குமர குருபர சுவாமிகள் அவர்கள்

இணையதளம்: www.kaumaramutt.com

ஓம் ஸ்ரீஞானஸ்கந்தமூர்த்தி புகழ் ஓங்கட்டும்!

சிரவையாதீன சீர்த்தி சிறக்கட்டும்!!

வியாழன், 21 செப்டம்பர், 2017

சிந்தையில் துன்பு இலையே முருகா !

திருக்கோவலூர் ஞானியார் சுவாமிகள் அருளிய இன்னுமொரு பாடலைப் பார்ப்போம்.

பாடல்:

மந்திரம் ஆறும் மனக்குடியா வைத்து வாழ்பவர்கள்

சிந்தியில் துன்பு இலையே முருகா செனனங்கள் தொறும்

வந்து அமர் ஆடிய மால் இலையே; மனவாசிதனைச்

சந்ததம் சாரி நடாத்த என்றாலும் தடையில்லையே.

பொருள்:

ஆறெழுத்து மந்திரத்தை அகத்தில் வைத்தவர்களுக்கு என்றும் துன்பம் இல்லை. பிறவிகள்தோறும் வந்து போராடச் செய்த அறியாமையும் இல்லை. மனமாகிய குதிரையில் எப்போதும் நினை நோக்கிச் சவாரி செய்யவும் தடை இல்லை என்பது பாடலின் கருத்து.

நன்றி: சிரவையாதீனம் தவத்திரு குமர குருபர சுவாமிகள் அவர்கள்

படம்: பவானி கூடுதுறை காவிரி புஷ்கர விழாவில் சிரவை ஆதீனம் மற்றும் பேரூர் ஆதீனம்

இணையதளம்: www.kaumaramutt.com

ஓம் ஸ்ரீஞானஸ்கந்தமூர்த்தி புகழ் ஓங்கட்டும்!

சிரவையாதீன சீர்த்தி சிறக்கட்டும்!!