சிரவை ஆதீனம் தவத்திரு. குருமர குருபர சுவாமிகள் அவர்களைப் பற்றிய அபூர்வத் தகவல்கள்

• தவத்திரு குமர குருபர சுவாமிகள் அவர்கள் 6.8.1970 ல் திரு அவதாரம் செய்தார்கள்.
• தற்போது சுவாமிகளுக்கு 46 வயது ஆகின்றது.
• சுவாமிகளின் 46 வது நாண்மங்கல விழாவை ஒட்டி 06.08.2015 வியாழக்கிழமை அன்று ஒரு மலர் வெளியிடப்பட்டுள்ளது.
• அந்த விழா மலரில் சிவ புராணம், கந்தர் கலி வெண்பா, மீனாட்சி அம்மன் கலிவெண்பா, தில்லை சிவகாமி அம்மை கலிவெண்பா, வண்ணச் சரபம் தண்டபாணி சுவாமிகள் அருளிய முருகப் பெருமான் திருவிளையாடற் கலிவெண்பா மற்றும் கௌமாரத் தொகை ஆகிய அரும் துதிகளோடு தவத்திரு குமர குருபர சுவாமிகள் அவர்கள் மீது எழுதப்பட்ட அருள் கவிகளும் இடம் பெற்றிருக்கின்றன.

• அந்த மலரின் பதிப்பாசிரியர் சிரவை ஆதீனப் புலவர் கு.சிவலிங்கம் என்பாராகும். அன்னவர்தான் தவத்திரு இராமானந்தஅடிகளார் மேனிலைப்பள்ளியின் தலமை ஆசிரியர் ஆவார்கள். அவர்களுக்கு இந்த நேரத்தில் நெஞ்சார்ந்த நன்றிகள்.
• சுவாமிகளின் பூர்வாசிரம தந்தை பெயர் திரு. நடராசக் கவுண்டர் என்பதாகும். இவர் கஜபூஜை சுந்தர சுவாமிகளின் பூர்வாசிரம தம்பியாவார்.
• சுவாமிகளின் பூர்வாசிரம தாயார் பெயர் திருமதி.வள்ளியம்மாள் என்பதாகும்.
• சுவாமிகள் மேற்படியான தம்பதியர்களுக்கு மூன்றாவது மகவாக திரு அவதாரம் செய்தார்கள்.
• சுவாமிகள் அவதாரம் செய்த தமிழ் வருடம் சாதரண ஆண்டாகும்.
• சுவாமிகள் அவதாரம் செய்த தமிழ் மாதம் ஆடி மாதம்.
• சுவாமிகளின் திரு அவதார நட்சத்திரம் உத்திரம், ராசி கன்னி  ஆகும்
• சுவாமிகள் 10ம் வகுப்பு வரை கௌமார மடத்தின் உயர் நிலைப் பள்ளியில் பயின்றார்கள்.
• 11, 12ம் வகுப்புகளை பீளமேடு சர்வஜனா மேல்னிலைப் பள்ளியில் பயின்றார்கள்.
• அதன் பின்பு இளநிலை B.SC (MATHS) படிப்பை படித்து முடித்த சுவாமிகள் தனது ஞானாசிரியன் ஆகிய தவத்திரு கஜபூஜை சுந்தர சுவாமிகளின் திரு அனுக்கத் தொண்டராக மடாலயத்தில் இருந்து பணி புரிந்தார்கள்.
• எதிர்பாராத விதமாக தவத்திரு கஜபூஜை சுந்தர சுவாமிகளின் வீடுபேறு 14.06.1994ல் நடந்தது.
• அதே நாளான 14.06.1994 அன்றே  தவத்திரு குமர குருபர சுவாமிகள் அவர்கள் கல்லாடை தரித்து துறவியாகி சிரவை ஆதீனத்தின் நான்காம் சந்நிதானமாகப் பொறுப்பேற்றுக் கொண்டார்கள்.
• தவத்திரு குமர குருபர சுவாமிகள் அவர்களின் அப்போதைய வயது 24 மட்டுமே ஆகும்.
• அதன் பின்பு தமிழில் முதுகலைப் பட்டம் பெற்று சிரவை ஆதீனம் மூன்றாம் சந்நிதானமாக இருந்த தவத்திரு கந்தசாமி சுவாமிகளின் பாடல்களை ஆய்வு செய்து முனைவர் பட்டம் பெற்றுள்ளார்கள்.
• சுவாமிகள் பல்வேறு ஆய்வுக் கருத்தரங்குகளில் கலந்து கொண்டும், ஆய்வுக்கட்டுரைகளை வழங்கியும் வருகின்றார்கள்.

• கௌமார மடத்தில் இருந்து வெளிவருகின்ற கௌமார அமுதம் எனும் இதழுக்கு சிறப்பாசிரியராகவும் தவத்திரு குமர குருபர சுவாமிகள் அவர்கள் இருக்கின்றார்கள்
• கௌமார அமுதம் இதழில் மறை மொழி எனும் தலையங்கக் கட்டுரையும் எழுதி வருகின்றார்கள் தவத்திரு குமர குருபர சுவாமிகள் அவர்கள்.
• 28.11.1997 ல் தவத்திரு கஜபூஜை சுந்தர சுவாமிகளின் நினைவு நூலகம் ஒன்று திறந்து வைக்கப்பட்டது.அந்த நூலகத்தில் பல்லாயிரக்கணக்கான நூல்கள் இருக்கின்றன. தமிழை ஆய்வு செய்பவர்களுக்கு மிகப்பெரும் உதவியாக இந்த நூலகத்தில் இருக்கின்ற நூல்கள் திகழ்ந்து வருகின்றன.
• 2009ம் வருடம் சிரவை ஆதீனம் தனது நூறு ஆண்டுகள் கண்டதை ஒட்டி ஒரு பெரும் விழா கொண்டாடப்பட்டது.

• 08,09-12-2001ல் தவத்திரு குமர குருபர சுவாமிகள் அவர்களுக்கு பழனியில் அருளாட்சி ஏற்கும் விழா சிறப்பாக நட்த்தப்பட்டது.
• தவத்திரு குமர குருபர சுவாமிகள் அவர்கள் சிரவணபுரம் கௌமார சபைக்கு தலைவராக இருக்கின்றார்கள்.
• சிரவணபுரம் தண்டபாணிக்கடவுள் வளாக திருக்கோவில்களுக்கு சுவாமிகள் தலைவராக இருக்கின்றார்கள்
• கோவை, கீரணம் தண்டபாணித் திருக்கோவிலுக்குத்  சுவாமிகள் தலைவராக இருக்கின்றார்கள்
• கோவை சவுரிபாளையம் தண்டபாணித் திருக்கோவிலுக்கும்  சுவாமிகள் தலைவராக இருக்கின்றார்கள்
• பழநி பட்டணம் மாரிமுத்து திருமடத்திற்கும் சுவாமிகள் தலைவராக இருக்கின்றார்கள்
• மாநில முருக பக்தர்கள் பேரவை அறக்கட்டளைக்கும் சுவாமிகள் தலைவராக இருக்கின்றார்கள்
• கரூர் வெஞ்சமாங்கூடல் கோவிலுக்கும் சுவாமிகள் பரிபாலணக்குழுத் தலைவராக இருக்கின்றார்கள்
• கவை காளியம்மன் கோவிலுக்கும் சுவாமிகள் பரிபாலணக்குழுத் தலைவராக இருக்கின்றார்கள்
• சிரவை ரத்தினகிரிக்கும் சுவாமிகள் பரிபாலணக்குழுத் தலைவராக இருக்கின்றார்கள்
• சுவாமிகள் அறவழி காட்டும் ஆன்றோர் துறவியர் பேரவை உறுப்பினராக இருக்கின்றார்கள்
• சுவாமிகள் தமிழகத் துறவியர் பேரவைச் செயலாளராக இருக்கின்றார்கள்
• சுவாமிகள் அகில இந்திய அமைப்பான இந்து ஆச்சார்ய சபாவில் உறுப்பினராக இருக்கின்றார்கள்
• அகில இந்திய துறவியர் பேரவையின் மஹா மண்டலேசுவரராக சுவாமிகள் இருக்கின்றார்கள்
• தவத்திரு ராமான்ந்த அடிகளார் கல்விக் கழகத்தின் செயலாலர் நம் சுவாமிகள்தான்
• தவத்திரு ராமானந்த அடிகளார் கல்வி அறக்கட்டளைச் செயலாளரும் நம் சுவாமிகள்தான்
• கௌமாரம் சுசீலா கல்வி அறக்கட்டளைத் தலைவர் தவத்திரு குமர குருபர சுவாமிகள் அவர்களே
• தவத்திரு குமர குருபர சுவாமிகள் அவர்கள் தவத்திரு ராமானந்த அடிகளார் மேல் நிலைப்பள்ளியின் செயலாளர் ஆவார்
• தவத்திரு கந்தசாமி அடிகள் மேல் நிலைப் பள்ளியின் செயலாளரும் தவத்திரு குமர குருபர சுவாமிகள் அவர்கள்தான்

• கௌமாரம் சுசீலா பண்ணாட்டு உறைவிடப் பள்ளிக்கும் சுவாமிகள் தலைவராக இருக்கின்றார்கள்
• கௌமாரம் அன்பு இல்லத்தின் புரவலராகவும் சுவாமிகள் இருக்கின்றார்கள்
• தென்னகச் சைவப் பேரவையின் தலைவரும் நம் சுவாமிகள்தான்
• கௌமார சிறப்புப் பள்ளியின் தலைவரும் நன் சுவாமிகள்தான்
• தவத்திரு கஜ பூஜை சுந்தர சுவாமிகள் தமிழாய்வு மையத்தின் தலைவராகவும் சுவாமிகள் இருக்கின்றார்கள்
• அதுமட்டுமல்ல கோவையில் பிரபலமாக இருந்து வருகின்ற குமரகுரு பொறியியல் கல்லூரியின் கல்வி ஆலோசனைக் குழு உறுப்பினரும் நம் சுவாமிகளே
• குமரகுரு பொறியியல் கல்லூரி ஆரம்பித்ததும் அந்த கல்லூரிக்கு 75 ஏக்கர் அப்போதே வழங்கியதும் கௌமார மடாலயம்தான். ஆரம்ப காலத் தலைவர் மற்றும்  நிறுவனர் தவத்திரு கஜ பூஜை சுந்தர சுவாமிகள் அவர்கள்தான்.
• முருகப் பெருமானின் குரு பரம்பரையில் இருந்து வந்த மற்றைய மஹான்கள் தற்போது பெரும்பாலும் இல்லை. அதே போல் முருக வழிபாட்டுக்குறிய கௌமார மடமும் வேறங்கும் பெரிய அளவில் இல்லை.
• நமக்கெல்லாம் கிடைத்த பெரும்பேறு தவத்திரு.குமர குருபர சுவாமிகள் அவர்கள். இவரைத் தரிசனம் செய்தாலே முருகனைத் தரிசனம் செய்வது போல்தான். காரணம் குரு பரம்பரையின் சிறப்பு.
• சிரவை ஆதீனம் தவத்திரு. குமர குருபர சுவாமிகள் அவர்கள் கல்வி சேவை செய்வதோடு பல்வேறு ஆலயங்களுக்கு குடமுழுக்கு செய்து பெரும் ஆன்மீக சேவை ஆற்றி வருகின்றார்கள்.
• தெய்வத்தை வழிபட மொழி ஒரு தடை இல்லை என்றும், அதேசமயம் உண்மையான அன்பைக் கடவுளிடம் செலுத்த மொழி தேவையில்லை என்றும் உபதேசம் செய்கிறார் சிரவை ஆதீனம் அவர்கள்.
• அதேபோல் வட மொழியும் ஒரு சிறந்த மொழிதான் என்றாலும் நமது தாய் மொழியில் தமிழில் மந்திரம் சொல்லி பூஜை செய்யும் போது நமது மக்கள் அதை எளிமையாகப் புரிந்து கொண்டு இன்னும் பக்தியில் திளைக்கும் வாய்ப்புண்டு எனவும் உபதேசம் செய்கின்றார் சிரவை ஆதீனம் தவத்திரு. குமர குருபர சுவாமிகள் அவர்கள்.
• இந்தக் கொள்கைகளை மையாமாக வைத்தும் எளிமையான பூஜை முறைகள் வேண்டும் என்ற நோக்கத்திலுமே திரு நெறிய தெய்வத் தீந்தமிழ் முறைப்படி பூஜைகள் செய்யும் முறைகள் வகுக்கப்பட்டது.
• பூஜைகளில் தேவை இல்லாத ஆடம்பரங்களைத் தவிர்த்து மிக எளிய முறையில் அதே சமயம் குறைந்த செலவில் ஒரு குடமுழுக்கு செய்யமுடியும்.

•  குடமுழுக்கு செய்வதற்கு பல லட்சம் செலவு செய்யும் பல ஆலயங்கள் அதன் பின்பு அதை நிர்வாகம் செய்ய வசதி இல்லாமல் தடுமாறுகின்றன. வருடம் ஒரு முறை ஆண்டு விழா என்று நடத்தப்படும் நிகழ்வுகளுக்கே ஒரு குடமுழுக்குக்கு இணையான செலவுகள் ஏற்பட்டு விடுகின்றன.
•  ஆனால் திரு நெறிய தெய்வத் தீந்தமிழ் முறைப்படி செய்யும் போது அதிக செலவினங்கள் பெரிய அளவில் ஏற்படுவதில்லை. எனவே எல்லா சிறப்பு வழிபடுபாடுகளும் மிக அருமையான முறையில் நடத்தப்படுகின்றது.
•  நமது கௌமார மடாலயம் இத்தகைய திரு நெறிய தெய்வத் தீந்தமிழ் முறைப்படி செய்யும் குடமுழுக்கு, புது மனை புகு விழா, மணி விழா, கடை திறப்பு விழா, திருமண விழா எனப் பல்வேறு விழாக்களை நடத்திக் கொடுத்துக் கொண்டிருக்கின்றது.

• மெல்லத் தமிழ் இனி சாகும் என்றார் பாரதி ஆனால் நமது சிரவை ஆதீனம் தமிழை நிமிடத்திற்கு நிமிடம் போற்றி இறை பக்தியோடு இணைத்து வளர்த்து வருகின்றார்கள்.
• தவத்திரு.சுந்தர சுவாமிகள் அவர்கள்தான் தவத்திரு. குருமர குருபர சுவாமிகள் அவர்களுக்கு ஞானகுரு, ஞான ஆசிரியன், உபதேச குரு, தீட்சை குரு எல்லாமே.
• தவத்திரு.சுந்தர சுவாமிகள் அவர்கள் காட்டிய அதே வழியில் குளிர்ச்சி பொருந்திய முகத்தோடு, கருணையான உள்ளத்தோடு ஒரு உற்சவர் சிலை போலவே தினமும் ஏராளமான நிகழ்ச்சிகளில் கலந்து கொண்டு கௌமார நெறியைப் போதித்துக் கண்ணியமாக வலம் வந்து கொண்டிருக்கின்றார் தவத்திரு. குருமர குருபர சுவாமிகள் அவர்கள்.
• இது நாள்வரை அடியேன் பழகிய பல மஹான்களில் என்னை மிகவும் கவர்ந்தவர் தவத்திரு. குருமர குருபர சுவாமிகள் அவர்கள்.
• அதேபோல் எனக்கு தீட்சை குருவும், உபதேச குருவும் தவத்திரு. குருமர குருபர சுவாமிகள் அவர்கள்தான்.
• கௌமார பயண வாசகர்கள் தனது வாழ் நாளில் ஒரு முறையேனும் கௌமார மடாலய தரிசனம் கொள்ள வேண்டும்.
• ஒவ்வொரு மாதமும் கிருத்திகை அன்று காலை 10 மணி முதல் தண்டபாணிக் கடவுளுக்கு அபிடேகம், அலங்காரம், பேரொளி வழிபாடு ஆகிய பூசைகள் தவத்திரு. குருமர குருபர சுவாமிகள் அவர்களால் சிறப்பாக நட்த்தப்படுகின்றது.
• நமது கௌமாரப் பயண வாசகர்கள் இது போன்ற வாய்ப்புகளைப் பயன்படுத்திக் கொள்ளலாம்
•  அதற்காகவே இறைவன் உங்களுக்கு இதைப் படிக்கும் வாய்ப்பை ஏற்படுத்திக் கொடுத்திருக்கிறார் என்பது எனது கருத்து.
• இந்த அரிய தகவல்கள் எல்லாம் சீர்மிகு சிரவை ஆதீனம் (சிரவணபுரம் கௌமார மடாலய வரலாறு) எனும் நூலில் இருப்பவையாகும்
• அந்த நூலின் ஆசிரியர் சிரவை ஆதீனப் பெரும் புலவர் ப.வெ. நாகராஜன் என்பாராகும். அவருக்கு இந்த நேரத்தில் நமது நெஞ்சார்ந்த நன்றிகள்.
• கஜ பூஜை வெள்ளி விழா அன்று இந்த சீர்மிகு சிரவை ஆதீனம் எனும் இந்த நூல் மடாலயத்தில் இருந்து 22.03.2012 அன்று வெளியிடப்பட்டது.
• இந்த நூலை அழகுற அச்சிட்டு அருள் பணி செய்தவர்கள் சிரவை சௌமி அச்சகத்தார். அதன் உரிமையாளர் திரு.தே.திருஞானசம்பந்தன் அவர்கள். அவர் நமது கௌமாரபயணத்திற்காக சுவாமிகளின் வண்ணப்படங்களைக் கொடுத்து உதவியவர். அவர்களுக்கு இந்த நேரத்தில் நமது நெஞ்சார்ந்த நன்றிகள்.
• தமது 24ம் வயதில் சிரவை ஆதீனமாகி தனது 46ம் வயதான இந்த 22 ஆண்டுகளில் தவத்திரு. குருமர குருபர சுவாமிகள் அவர்களின் கல்வி,ஆன்மீக, சமய, இலக்கிய, சுற்றுப்பயண, புத்தக வெளியீடு அகிய அளப்பெரும் பணிகள் மிகவும் போற்றுதலுக்குரியவையாகும்.
• இந்த நேரத்தில் எனது ஞானாசிரியன் ஆகிய சிரவை ஆதீனம் தவத்திரு. குருமர குருபர சுவாமிகள் அவர்களைப் போற்றி வணங்கி எமது நெஞ்சார்ந்த நன்றிகளைத் தெரிவித்துக் கொள்கின்றோம்.

  நன்றி: தவத்திரு. குருமர குருபர சுவாமிகள் அவர்கள்

ஓம் ஸ்ரீ ஞானஸ்கந்த மூர்த்தி புகழ் ஓங்கட்டும்!

சிரவை ஆதீனத்தின் சீர்த்தி சிறக்கட்டும்!!

         என்றென்றும் குருநாதர் சேவையில் இந்த கட்டுரை எழுதியவர்

ஸ்ரீஸ்கந்த உபாசகர் ஜெகதீஸ்வரன் அவர்கள்

ஸ்ரீஞானஸ்கந்தாஸ்ரமம், அந்தியூர்

கௌமார மடாலய திருக்குறள் போட்டி பரிசளிப்பு விழா !

சிரவை கௌமார மடாலயமும்,கணபதி தமிழ்ச் சங்கமும் இணைந்து நடத்திய  திருக்குறள் போட்டி  இன்று 29.11.15 இனிதே நிறைவு பெற்றது.  இப்போட்டியில் 1000  மேற்பட்ட மாணவ மாணவியர்கள்  பரிசு பெற்றனர்.வெற்றி பெற்ற மாணவ,மாணவியருக்கு சிரவை ஆதினம் தவத்திரு குமரகுருபரர் சுவாமிகள் அவர்கள் பரிசு வழங்கினார்கள். அதன் பதிவுகள் கௌமாரப்பயண வாசகர்களுக்காக,

                    சிரவை ஆதினம் தவத்திரு குமரகுருபரர் சுவாமிகள் ஆசியுரை வழங்கியபோது 

சிரவை ஆதினம் தவத்திரு குமரகுருபரர் சுவாமிகளுடன்  பரிசு பெற்ற மாணவ,மாணவியர்கள்.

                                         என்றும் குருவின் சேவையில் 
                                         ஸ்ரீஸ்கந்த உபாசகர் ஜெகதீஸ்வரன்

                                                                    ஞானஸ்கந்தாசிரமம்,அந்தியூர்.

                        ஓம் ஸ்ரீ ஞானஸ்கந்த மூர்த்தி புகழ் ஓங்கட்டும்!!!

                            சிரவை ஆதீனத்தின் சீர்த்தி சிறக்கட்டும்!!!

சிதம்பர ரகசியம் என்றால் என்ன???

பல கோடி டாலர்கள் செலவு செய்து எட்டு ஆண்டுகளாக ஆராய்ச்சி செய்து சிதம்பரம் நடராஜர் கால் பெருவிரலில்தான் மொத்த பூமியின் காந்த மையப்புள்ளி இருப்பதாக உலக நாடுகள் கண்டுபிடித்துள்ளன..

Centre Point of World’s Magnetic Equator.

எந்த செலவும் செய்யாமல் எந்த டெலஸ்கோப்பும் இல்லாமல் இதனை கண்டறிந்த நமது தமிழன் எப்பேற்பட்ட அறிவுமிக்கவன்..? 

அதை உணர்ந்து அணுத்துகள் அசைந்துகொண்டே இருக்கும் என்ற உண்மையை ஆடும் நடராஜர் வாயிலாக உணர்த்தும்படி சிலை அமைத்து பூமியின் மையப்புள்ளியில் மறைமுகமாக அமர்த்திய அவன் சாதனை எப்பேற்பட்டது..?

இதனை 5000 வருடங்களுக்கு முன்பே கண்டறிந்து திருமந்திரத்தில் குறிப்பிட்ட திருமூலரின் சக்தி எப்படிப்பட்டது..? 

புரிகிறதா..? 

தமிழன் யார் என தெரிகிறதா..? 

திருமூலரின் திருமந்திரம் மிகப்பெரிய உலகிற்கே வழிகாட்டும் அறிவியல் நூலாகும் இதை உணர்ந்துகொள்ள தற்போதுள்ள அறிவியலுக்கு இன்னும் ஒரு நூற்றாண்டு தேவைப்படலாம்..

வாழ்க தமிழ்..வெல்க… தமிழனின் நுண்ணறிவு!!

சிதம்பரம் நடராஜர் கோயில் ரகசியம் என்று பலரும் பல விசயங்களை கூறிவரும் வேளையில், அந்த கோயிலில் இருக்கும் அறிவியல், பொறியியல், புவியியல், கணிதவியல், மருத்துவவியல் குறித்த ஆச்சர்யங்களின் சில தகவல்கள்.

முன்னோர்கள் செய்த எல்லா செயல்களும் ஒரு தெளிவான சிந்தனையை நோக்கியே பயணித்துள்ளது, அப்படி இருக்க அவர்கள் நிர்ணயித்த பிரம்மாண்டமான கற்கோவில்களுக்கு பின் இருக்கும் சில அற்புதங்களை அதனிலடங்கும். 

அந்த வகையில் சிதம்பரம் நடராஜர் கோயிலில் உள்ள சில அற்புதமான ரகசியங்கள் இவைகள் தான்.

(1) இந்த கோயில் அமைந்திருக்கும் இடமானது உலகின் பூமத்திய ரேகையின் சரியான மையைப் பகுதி என்று கூறப்படுகின்றது. 

( Center Point of World’s Magnetic Equator ).

(2) பஞ்ச பூத கோயில்களில் ஆகாயத்தை குறிக்கும் தில்லை நடராஜர் ஆலயம், காற்றை குறிக்கும் காலஹஸ்தி ஆலயம், நிலத்தை குறிக்கும் காஞ்சி ஏகாம்பரேஸ்வர ஆலயமும் சரியாக ஒரே நேர்கோட்டில் அதாவது சரியாக 79 Degrees, 41 minutes East தீர்க்க ரேகையில் (LONGITUDE ) அமைந்துள்ளது, இன்று Google map உதவியுடன் நாம் வானத்தின் மேல் இருந்து பார்ப்பதை போன்று பார்த்தால் மட்டுமே விளங்கும் இந்த துல்லியம் அன்றைக்கு கணிக்கப்பட்டது ஒரு பொறியியல், புவியியல் மற்றும் வானவியியலின் உச்சகட்ட அதிசயம்.

(3) மனித உடலை அடிப்படையாக கொண்டு அமைக்கப்பட்டிருக்கும் சிதம்பரம் கோயிலில் 9 நுழைவு வாயில்களும், மனித உடலில் இருக்கும் 9 வாயில்களை குறிகின்றது.

((4) விமானத்தின் மேல் இருக்கும் பொற் கூரை 21,600 தங்கத்தகடுகளை கொண்டு வேயப்பட்டுள்ளது, இது மனிதன் ஒரு நாளைக்கு சராசரியாக 21600 தடவைகள் சுவாசிக்கிறான் என்பதை குறிக்கின்றது (15*60*24 = 21,600).

(5) இந்த 21,600 தகடுகளை வேய 72,000 தங்க ஆணிகள் பயன்படுத்தப்பட்டுள்ளது, இந்த 72,000 என்ற எண்ணிக்கை மனித உடலில் இருக்கும் ஒட்டுமொத்த நாடிகளை குறிக்கின்றது.

இதில் கண்ணுக்குத் தெரியாத உடலின் பல பாகங்களுக்கு சக்தியை கொண்டு சேர்ப்பவையும் அடங்கும்.

(6) திருமந்திரத்தில் ” திருமூலர்”

மானுடராக்கை வடிவு சிவலிங்கம்
மானுடராக்கை வடிவு சிதம்பரம்
மானுடராக்கை வடிவு சதாசிவம்
மானுடராக்கை வடிவு திருக்கூத்தே

என்று கூறுகிறார், அதாவது ” மனிதன் வடிவில் சிவலிங்கம், அதுவே சிதம்பரம், அதுவே சதாசிவம், அதுவே அவரின் நடனம்”. 

என்ற பொருளைக் குறிகின்றது.

(7) “பொன்னம்பலம்” சற்று இடது புறமாக அமைக்கப்பட்டுள்ளது, இது நம் உடலில் இதயத்தை குறிப்பதாகும்.

இந்த இடத்தை அடைய ஐந்து படிகளை ஏற வேண்டும், இந்த படிகளை “பஞ்சாட்சர படி” என்று அழைக்கப்படுகின்றது, அதாவது “சி,வா,ய,ந,ம” என்ற ஐந்து எழுத்தே அது. 

“கனகசபை” பிற கோயில்களில் இருப்பதை போன்று நேரான வழியாக இல்லாமல் பக்கவாட்டில் வருகின்றது. 

இந்த கனக சபை தாங்க 4 தூண்கள் உள்ளன, இது 4 வேதங்களை குறிக்கின்றது,

(8) பொன்னம்பலத்தில் 28 தூண்கள் உள்ளன, இவை 28 ஆகமங்களையும், சிவனை வழிபடும் 28 வழிகளையும் குறிக்கின்றன, இந்த 28 தூண்களும் 64 + 64 மேற் பலகைகளை கொண்டுள்ளது (BEAM ), இது 64 கலைகளை குறிக்கின்றது, இதன் குறுக்கில் செல்லும் பல பலகைகள்(CROSS BEAMS) , மனித உடலில் ஓடும் பல ரத்த நாணங்களை குறிக்கின்றது.

(9) பொற் கூரையின் மேல் இருக்கும் 9 கலசங்கள், 9 வகையான சக்தியை குறிக்கின்றது.

அர்த்த மண்டபத்தில் உள்ள 6 தூண்கள், 6 சாஸ்திரங்களையும், அர்த்த மண்டபத்தின் பக்கத்தில் உள்ள மண்டபத்தில் உள்ள 18 தூண்கள், 18 புராணங்களையும் குறிக்கின்றது.

(10) சிதம்பரம் நடராஜர் ஆடிக்கொண்டிருக்கும் ஆனந்த தாண்டம் என்ற கோலம் “cosmic dance” என்று பல வெளிநாட்டு அறிஞர்களால் அழைக்கபடுகின்றது.

                         ஓம் ஸ்ரீ ஞானஸ்கந்த மூர்த்தி புகழ் ஓங்கட்டும்!!!

 

                            சிரவை ஆதீனத்தின் சீர்த்தி சிறக்கட்டும்!!!

பழனி மலை பற்றிய சிறப்பு தகவல்கள்!

                                 ஒளி விளக்குகளில் ஜொலிக்கும் பழனி மலை.

* பழனி முருகன் கோவில் தமிழ்நாட்டின் திண்டுக்கல் மாவட்டத்தில் அமைந்துள்ளது. இரண்டு பெரு நகரங்களான மதுரை மற்றும் கோயம்புத்தூர் நகரங்களில் இருந்து சமதூரத்தில் உள்ளது இக்கோவில்.

*  இந்தத் தலம் பழனி என அழைக்கப்படுவதற்கு காரணம், சிவனும், பார்வதியும் தங்கள் மகன் முருகப் பெருமானை "ஞானப் பழம் நீ" என அழைத்ததால், "பழம் நீ" என வழங்கப்பெற்று, பின்னர் அதுவே "பழனி" ஆகிவிட்டது.

* தமிழ்க்கடவுளான முருகனை வழிபட கேரளாவில் இருந்தும் பக்தர்கள் அதிக அளவில் வருகிறார்கள். அருகிலேயே பொள்ளாச்சி  அருகே கேரள எல்லை ஆரம்பிப்பதால் கேரளாவில் இருந்து விரதம் இருந்து அதிக அளவு வருகிறார்கள்.

*முதன் முதலில் நேமங்கோவில் குமரப்பன் என்பவர்தான் பழனிக்கு காவடி எடுக்கும் வழிபாட்டை அறிமுகப்படுத்தினார் என்று சொல்லப்படுகிறது. இருப்பினும் பழனி முருகன் கோவிலுக்கு விரதம் இருந்து காவடி தூக்கி செல்லும் பாதயாத்திரை முறையை ஆரம்பித்து இன்று வரை சிறப்பாக அனைவரையும் ஒருங்கிணைத்து நடத்திவருவது காரைக்குடி  நகரத்தார்கள்தான் என்பது மறுக்க முடியாதது.

* இவர்கள் ஆரம்பித்து வைத்த இந்த முறையால் இன்று தென் தமிழகம் முழுவதும் பழனிக்கு காவடி எடுத்து சென்று வணங்கும்  பக்தர்களை அதிகப்படுத்தியது.

* பாரம்பரியமிக்க, தெய்வீகமான இந்த பழநி பாதயாத்திரையை முருக பக்தர்கள் யாரும், சாதாரணமான விசயமாக, விளையாட்டாக எண்ணிவிடாமல் உண்மையான பக்தியோடு, உண்மையான கட்டுப்பாட்டோடு மாலையணிந்து, விரதமிருந்து கந்தனை உள்ளன்போடு நினைத்து பழநிக்கு பாதயாத்திரை வந்தால், எம்பெருமான் முருகன் வாழ்வின் ஒவ்வொரு நிமிடத்திலும் உங்களுடனேயே இருந்து உங்களுக்கு நல்வழி காட்டுவான் என்பது நம்பிக்கை.

* இங்குள்ள முருகனது சிலை 18 சித்தர்களில் ஒருவரான போகர் சித்தரால் உருவாக்கப்பட்டது. முருகனது கோவில், குன்றின் உச்சியில் அமைந்துள்ளது.

* முருகனின் சிலை நவபாஷாணத்தால், சித்தர்களில் ஒருவரான போகரால் வடிவமைக்கப்பட்டது. நவபாஷாணம் எனப்படுவது ஒன்பது வகையான நச்சுப்பொருட்கள் சேர்ந்தது. இந்த நவபாஷாண சிலை மீன்களை போன்று செதில்களை கொண்டதாக கூறப்படுகிறது. தற்பொழுது இந்த சிலை சிறிது பழுதுபட்டுள்ளது. இரவில் இந்த சிலையின் மீது முழுவதுமாக சந்தனம் பூசப்பட்டு (சந்தனக்காப்பு) காலையில் விசுவரூப தரிசனம் செய்யும் அனைத்து பக்தர்களுக்கும் சிறு வில்லை பிரசாதமாக வழங்கப்படுகிறது இது மிகச்சிறந்த மருந்தாக கருதப்படுகிறது.

          சித்தர் போகர் நவபாசனத்தால் முருகன் சிலையை உருவாக்குதல் 

* பழனி மலையின் அடிவாரத்தில் அமைந்த குழந்தை வேலாயுத சுவாமி கோயில் அறுபடை வீடுகளில் ஒன்று, இதுவே திரு ஆவினன்குடி மூன்றாம் படைவீடு ஆகும். பலரால் மலை மீதுள்ள தண்டாயுதபாணி சுவாமி கோயிலே அறுபடை வீடுகளில் ஒன்று என்று தவறாக எண்ணப்படுகிறது.

*  பழனித்தலத்தின் பெருமையினை அருணகிரி நாதர் திருப்புகலிலும், கந்தர் அலங்காரத்திலும் குறிப்பிட்டுள்ளார். பதினாலுலகோர் புகழ் பழனி மாமலை மீதினிலேயுறை பெருமாளே என்று பதினாலுலகும் போற்றும் தலம் பழனி என்கிறார்.

* பழனி மலைக்கு எதிரில் இடும்பன் மலை என்று அழைக்கப்படும் சக்திகிரி காணப்படுகிறது. இந்த மலையைச் சுற்றி சுமார் 3 கிலோமீட்டர் தொலைவிற்கு சோலைகள் நிறைந்த அழகிய கிரிப் பிரகாரமும், இந்த பிரகாரத்தின் திருப்பங்களில் பெரிய மயிலின் உருவச் சிலைகளைக் கொண்ட மண்டபங்களும் காணப்படுகின்றன. அதனால், இந்த மலையை கிரிவலம் வருவது மிகவும் சிறப்புடையதாக கருதப்படுகிறது.

* பழனி அருள்மிகு தண்டாயுதபாணி சுவாமி திருக்கோயிலைச் சார்ந்த 38 - உப கோயில்கள் அமைந்துள்ளது. இக்கோயில்களில் கீழ்கண்ட கோயில்கள் சிறப்பு வாய்ந்ததாகக் கருதப்படுகிறது.

1. அருள்மிகு திரு ஆவினன் குடி கோயில்
2. அருள்மிகு பெரிய ஆவுடையார் கோயில்
3. அருள்மிகு பெரிய நாயகி அம்மன் கோயில்
4. அருள்மிகு குழந்தை வேலப்பர் கோயில் - ஒட்டன்சத்திரம்
5. அருள்மிகு குறிஞ்சியாண்டவர் கோயில் - கொடைக்கானல்
6. அருள்மிகு இடும்பன் மலைக் கோயில் - பழனி

* 18 சித்தர்களில் ஒருவரான புலிப்பாணி சித்தரின் ஜீவசமாதி பழனி மலையில் அமைந்துள்ளது குறிப்பிடத்தக்கது.

* திருவண்ணாமலை போன்றே எண்ணற்ற மகான்கள் இந்த பழனியில் வாழ்ந்திருக்கின்றனர். தற்போதும் வாழ்ந்து வருகின்றனர்.

                                                                                         

நன்றி: ஸ்ரீ ஸ்கந்த உபாசகர் திரு.ஜெகதீஸ்வரன் சுவாமிகள் அவர்கள்.

                        ஓம் ஸ்ரீ ஞானஸ்கந்த மூர்த்தி புகழ் ஓங்கட்டும்!!!

                            சிரவை ஆதீனத்தின் சீர்த்தி சிறக்கட்டும்!!!

திருக்குறள் திருவிழா!

சிரவை கௌமார மடாலயமும்,கணபதி தமிழ்ச் சங்கமும் இணைந்து நடத்தும் திருக்குறள் திருவிழா இன்று 29.11.15 இனிதே நடைபெறவுள்ளது.சிரவை ஆதினம் தவத்திரு குமரகுருபரர்  சுவாமிகளின் தலைமையில் நடக்கும் இந்த விழாவினை ஆன்றோர்களும் சான்றோர்களும் கலந்து கொண்டு விழாவினை சிறப்பிக்குமாறு கேட்டுக்கொள்கிறோம்.

             நன்றி: சிரவை ஆதினம் தவத்திரு குமரகுருபரர் சுவாமிகள் அவர்கள் 


                                                                                     என்றும் குருவின் சேவையில்
                                                                                    ஸ்ரீ ஸ்கந்த உபாசகர் ஜெகதீஸ்வரன்,
                                                                                    ஞானஸ்கந்தாசிரமம்.அந்தியூர். 

ஸ்ரீ ஸ்கந்த உபாசகர் எழுதிய ராகு-கேது பெயர்ச்சிபலன்கள்-ஜீவ நாடி பரிகாரங்கள் !

வருகின்ற தை மாதம் ஜனவரி 30 ம் தேதி 2016ல் நிகழவிருக்கும் ராகு-கேது பெயர்சிப் பலன்களையும் மிகத்துல்லியமாக 100% பலிக்கக்கூடிய ஜீவ நாடிப் பரிகாரங்களையும் நமது குரு நாதர் ஸ்ரீஸ்கந்த உபாசகர் ஜெகதீஸ்வரன் சுவாமிகள் அவர்கள் எழுதி இருக்கின்றார்கள். பரிகாரங்கள் அனைத்தும் ஜீவ நாடியில் வந்ததாகும். டிசம்பர்-2015 திருவருள் சக்தி இதழில் அது வெளி வந்துள்ளது. தமிழகம் முழுவதும் இந்த இதழ் பரபரப்பாக விற்பனை ஆகிக்கொண்டிருக்கின்றது. நமது கௌமார பயண வாசகர்களும் அதை வாங்கிப் படித்து வாழ்வில் நலம் அடைய வேண்டும் என்பதே நமது குரு நாதரின் ஆசையாகும்

மேலும் விவரங்களுக்கு www.apsaraepublications.com எனும் வலை தளத்தில் உள்ள முகவரியில் தொடர்பு கொள்ளவும். நன்றி

படம்: சுருளிமலை குகையில் தவத்தில் இருக்கும் நமது குரு நாதர் ஸ்ரீஸ்கந்த உபாசகர் ஜெகதீஸ்வரன் சுவாமிகள் அவர்கள்


                                  ஓம் ஸ்ரீ ஞானஸ்கந்த மூர்த்தி புகழ் ஓங்கட்டும்!!!

2012 ல் சிரவை ஆதீன மாநில முருக பக்தர்கள் பேரவையின் 3-வது மாநில மாநாடு !

வேலூர் அருகேயுள்ள ரத்தினகிரியில் மாநில முருக பக்தர்கள் பேரவையின் 3-வது மாநில மாநாடு 29.12.2012ஆம் தேதி தொடங்கி, இருநாள்கள் சிறப்பாக நடைபெற்றது. ரத்தினகிரி கல்வி அறக்கட்டளையும், சிரவையாதீனம் மாநில முருக பக்தர்கள் பேரவை அறக்கட்டளையும் இணைந்து நடத்தும் இந்த மாநாட்டை கோவை சிரவையாதீனம் குமரகுருபர சுவாமிகள் தொடங்கி வைத்தார். விழாவில் ரத்தினகிரி பாலமுருகனடிமை சுவாமிகள், கலவை சச்சிதானந்த சுவாமிகள் உள்ளிட்டோர் கலந்துகொண்டனர். குன்றக்குடி பொன்னம்பல அடிகளார் இரத்தினகிரி பிள்ளைத் தமிழ் என்ற நூலை வெளியிட்டு பேசினார்கள். அதே போல் அடுத்த ஆண்டு மார்கழியில் நான்காவது முருக பக்தர்கள் மாநாடு நடத்த திட்டமிடப்பட்டுள்ளது. அதற்கான அறிவிப்பும் அதன் அழைப்பிதழும் பின்னர் பதிவிடப்படும்.

    நன்றி: சிரவை ஆதீனம்,தவத்திரு.குமர குருபர சுவாமிகள் அவர்கள்

                                         என்றும் குருவின் சேவையில் 
                             ஸ்ரீஸ்கந்த உபாசகர் ஜெகதீஸ்வரன் அவர்கள்